Ini ang ika tatlo na nga petition nga gin file sang mga complainant nga sanday Hector Yula, Teodoro Kag Jonah Abao. Ila sa gihapon gina kwestyun ang residency ni Bacolod City Mayoralty Aspirant Albee Benitez pero sa sini nga ti-un ginrekta na sang mga petitioner ang ila nga reklamo sa Comelec Manila.
Sa ila nga petisyon ginsiling sang tatlo nga indi residente sang Mt. View Subdivision sa Barangay Mandalagan si Benitez kag may yara sila sang mga saksi nga gin presenta nga maka pamatuod sini.
Ang mga saksi amo man sa gihapon nga mga saksi nga gin presenta sa naha una nga petisyon.
Gani para kay Benitez parehos sa natabo sa duha ka mga petisyon, ma dismiss lang ini sa gihapon.
Natalana ang preliminary conference sa petisyon sa Nobyembre 24.
Damlag pa gin ako man sang abugado sang mga petisyoner nga mga katapo sila sang Grupo Progreso, ang lokal nga partido nga gina pamunuan ni Bacolod City Mayor Evelio Leonardia nga amo ang maka engkwentro ni Benitez.
Bulan sang Hulyo sang gin dismiss sang Election Registration Board ang petisyon sang tatlo nga nag kwestyon man sang residency ni benitez nga nag saylo sang iya nga viters registration sa Bacolod.
Nag file pa gid sila sang petisyon sa municipal trial court pero gin dismiss man ini sang korte.
Samtang wala pa sa gihapon maka desisyon si Benitez kun sino nga presidentiable ang suportahan sa 2022 elections. Natalana nga mag sapul ang Visayan Bloc sa Manila para talakayon ang problema.
Wala na sang presidentiable ang PDP Laban nga partido kay si Senador Bong Go nga nagpapili bilang presidente ang nag file sang COC sa pagka presidente bilang tiglawas sang Pederalismo ng Dugong Dakilang Samahan ukon PDDS.
Ang maka engkewentro ni incumbent Governor Eugenio Jose Lacson nga si Atty John Orola ang katapos sang PDDS.
Amo man sini kuno ang sitwasyon sa iban nga mga lugar gani ila pa ini talakayon.