“Alas Kwatro Kontra Mosquito” ang iga lunsar sang Department of Health sa Lunes, Pebrero 24.
Suno kay DOH Undersecretary Mary Ann Maestral, ila gina haylo ang national agencies nga mag pakigbahin sa Nationwide Search and Destroy Mosquito Breeding Sites Kick-off Event para sa Dengue Prevention and Control.
Suno kay Maestral tuyo sini nga mapabakod ang prevention and control sa pungsod kasunod sang pagsaka sang kaso sang dengue sa bilog nga pungsod.
May pila na ka lugar sa Luzon suno sa iya nga nag lab-ot sa epidemic level ang kadamuon sang dengue.
Sa Visayas ang Iloilo kag Negros Occidental nag record sang madasig nga pagsaka sang dengue cases.
May anum ka dengue related deaths ang na-record sang probinsya sang Negros Occidental kag 387.93 percent nga nagsaka ang kaso as of Feb 15.
Na activate naman karon ang mga dengue lanes suno kay Maestral.
Sa mga talatapan sang gobyerno, sa Lunes, las 4 sang hapon suno kay Maestral igalunsar ang amo nga event.
Nagapahanumdom si Maestral sang matinlo nga palibot. Naga abiso man siya sa publiko nga kun maghilanat kag nakitaan sang sintoma sang dengue kaangay sang rashes, sakit sang tiyan, pag palangluya, pagdugo sa ngislo ukon sa ilong, gilayon nga mag pakonsulta sa duktor.
“Ma go national. Ma dulungan. Unahan lang sang government agencies anay ang kutob sang pwede maka entra, on Monday. Kada 4 o’clock na ta. Diri ta ma umpisa combat sang dengue through vector control. Kun wala sang mosquito, wala man dengue”, suno kay Maestral.