Siudad sang Bacolod ginatun-an nga indi na pagtugutan ang pag-operate liwat sang napasirad-an nga restobar kun diin natabo ang pag-molestiya sa isa ka menor de edad.
Hulyo pa sang nag-expire ang business permit sang Akashya Resto bar amo nga kahapon napatuman sang katapo sang City Legal Office Enforcement team kag Business Permits and Licensing Office ang closure order.
Suno kay City Legal Officer Atty. Romeo Carlos Ting,Jr. magahulat siya sang rekomendasyon gikan sa BPLO antes desisyunan kun tugutan pa ang pag operate sang restobar sa 17th-Lacson Streets.
Ginapatun-an naman niya sa City Planning and Development Office kun nagasupak ang restobar sa zoning ordinance.
Sandig sa ordinansa, ginadumilian ang pag operate sang restobar kag mga kasubong nga ilimnan malapit sa mga eskwelahan.
Ang Barangay 7 nagpalab ot na sang rekomendasyon agud mapasira ang restobar.
Ika duha na ini ka beses nga napasirad an kay sang 2019 natukiban nga may mga menor de edad nga na-rescue sa ilimnan.
Nagligad lang Disyembre 10 sang nag reklamu ang isa ka 17 anyos nga babaye sa kapulisan matapos gin molestiya sang criminology student sa sulod man sang amo nga resto bar.
Gin kuhaan sang video ang pagpang abuso sa nagakatulog nga biktima kag gin-post sa social media.