Pagpalab-ot sang ayuda gikan sa AICS, AKAP kag iban pa indi maapektuhan sang ginapatigayon nga imbestigasyon kag election banning.
Magapadayon ang pagpalab-ot sang financial assistance sang Bacolod-LGU paagi sa AICS kag AKAP sa pihak sang ginapatigayon nga imbestigasyon nga ginmando ni Mayor Albee Benitez.
Ini ang ginpasalig ni Bacolod-DSSD head Richelle Verdeprado-Mangga nga nagsiling nga indi man maka-apekto sa programa ang natalana nga election banning.
Ang Comelec ang nag-allow sang spending ban exemptions sa AICS kag AKAP nga kabahin sang 28 ka mga programa sang DSWD.
Sa gin-issue nga executive order sang alkalde naporma ang investigation team nga maga-usisa angut sa reklamo sang mga benepisyaryo nga ginabuhinan ang ila ginabaton nga ayuda gikan sa AICS kag AKAP.