Mga katunga sang demand sa baboy ang indi tigayon nga ma pun-an sang supply subong. Ini sa bahin sang AHRANO ukon ang Alliance of Hog Raisers Association of Negros Occidental.
Paathag ni Ric Lauron ang presidente sang grupo sang mga local hog raisers, sa ila nga monitoring sa ila nga mga grupo, may kakulang sa supply, rason man nga may pagsaka sa presyo sang baboy sa merkado.
Mga 50 percent suno sa iya sa bahin sang AHRANO ang indi mapun-an.
Wala na sila naga pa gwa baboy sa probinsya bangud priority man nila ang Negros Occidental.
Paathag ni Lauron epekto na ini sang mag igo ang African Swine Fever sadto kasubong man ang pagkapatay sang mga baboy bangud sang hog cholera.
May yara gani suno sa iya nga alang-alang pa, i-harvest, pero gina hatag na lamang bangud sang kataas sang demand.
“Damo subong nag close nga mga meat shop, siguro 50 percent of the demand, amo na ya ang aton paglantaw, damo meat shop diri sa aton, kun indi man nag close, indi consistent, may baboy, ma ihaw sila, kun wala, wala man. Indi man na siya sa total sa province, sa amon area, upon monitor sa amon nga grupo, even sa north namon nga meat shops ang iban indi man gid nag close, pero indi consistent ang supply sa market”, suno kay Lauron.
Gina kalipay nila ang Executive Order ni Governor Eugenio Jose Lacson bangud luyag nila nga matayuyon ang recovery sang industriya labi na nga karon maayo ang resulta sang sentinelling.
May pila pa ka bulan suno sa iya nga ila gina paabot nga tigayon maka repopulate kag ma uli-ulian ang hog industry sa probinsya.