Patay ang 40 anyos nga lalaki matapos ini gin luthang kahapon sang iya man nga upod sa highway sakop sang Barangay 5 sa Victorias City.
Ang biktima amo si Roldan Berito nga lider sang agrarian reform beneficiary.
Sandig sa imbestigasyon sang PNP, papuli ang biktima sakay sa motor upod snag duha ka mga lalaki nga iya kaupod.
Sang nag panaog na sa motor, gilayon lang siya suno sa pulis nga gin tiro sang isa ka angkas. Gilayon man sila nga nag palagyo.
Dead on arrival sa ospital si Berito.
Ginahibalo pa karon sang PNP ang identity sang iya mga kaupod kag kun ano ang motibo sa pag patay sa iya.