Sugar Regulatory Administration administrator David John Thaddeus Alba ang nag resign.
Suno sa Malacanang nag biya sa iya nga pwesto si Alba bangud sang iya “worsening health”.
Suno sa Presidential Communications Office ukon PCO effective April 15 ang resignation ni Alba.
Gin dugang pa sang PCO nga ginpahibalo ni Alba si Executive Secretary Lucas Bersamin sa iya nga resignation sang Miyerkules kag gin tinguhaan pa sini nga kumbinsihon si Alba nga indi magbiya sa pwesto.
Sa directive sang presidente effective April 15 ang resignation ni Alba sa paghatag ligwa sa pag handa sang appointment sang maga-tal-os sa iya.
Ang pag resign ni Alba kasunod sang kontrobersiya sa bag-o nga importation sang 440,000 metric tons sang kalamay.
Suno naman sa National Federation of Sugar Planters president, Enrique Rojas, ginarespeto nila ang desisyon ni Alba, pero indi man malikawan ang pagpanumdom sang mga tawo kun bala ang iya sini resignation may angut sa bag-o nga sugar importation nga labing kwestionable.
Sa idalom sang sirkumstansya nga naga palibot sini, gina dayaw ni Rojas ang nangin desisyon ni Alba. Ginkakas niya ang iya kaugalingon sa ano man nga kahilabtanan sa questionable Importation.
Nagalaum ang NFSP ang maga bulos kay alba isa ka persona nga may lubos nga ihibalo sa industriya kag wala sang vested interest, kag labing tampad
May pila naman nga nag pa utwas sa kanugon sang pag-resign sang Negrense nga administrator, kasubong kay Wennie Sancho sang Save the Sugar Industry Movement.