Gikan sa baylihan sa public plaza sang Moises Padilla kag papauli na kuntani sa ila balay ang 42-anyos nga biktima sang makabunggo ang iya ginamaneho nga motorsiklo sa steel bar sang karo nga yara sa higad sang dalan.
Nagluntad ang insidente pasado las 3 Domingo sang kaagahon, sa Purok 2, Barangay Magallon Cadre, banwa sang Moises Padilla, Negros Occidental.
Ang biktima ang isa ka admin staff sang Department of Education kag residente sang Barangay Guinpanaan sa Moises Padilla.
Base sa traffic investigation, naglapaw ang biktima sa dalan kag naigo sa naka-park nga karo sang karbaw.
Nakaangkon ang biktima sang mga pilas sa iya dughan kag guya.
Ang biktima ang gindala sang Moises Padilla Rescue Team sa Moises Padilla Infirmary kag ginsaylo sa Isabela District Hospital, kun diin ini ang gindeklarar nga dead on arrival.
[sibwp_form id=1]