Acquisition sa road right of way sa mga duta nga maapektuhan sa Panay-Guimaras-Negros Bridge ang gina paabot suguran sini nga Abril.
Ini suno kay Department of Development Negros Island Region Director, Arecio Casing, Jr., sa interview sang programa Straight to the Point sang DYHB-RMN Hwebes sang aga.
Nahuman na ang Detailed Engineering Design report kag iga submit ini sa Economy and Development Council nga gina pamunuan ni President Ferdinand Marcos, Jr., para sa dugang nga evaluation kag approval.
Magalawig ini sang anum ka bulan tubtob isa ka tuig. Pero sa amo man nga tion nalakip ang pag panghanda para sa loan agreement sa Korean funders.
Suno kay Casing mahimo nga sa tunga-tunga na sa madason nga tuig matigayon ang actual nga construction sang taytay.
Pero ang pag sugod sa acquisition sa road right of way sini na nga bulan sang Abril.
Ang first section sang PGN ukon ang Panay to Guimaras gina paabot nga magalawig sa lima ka tuig nga construction kag ang Section B naman ukon ang Guimaras to Negros magalawig sang lima tubtob anum ka tuig suno sa iya.
Sa 2028 suno kay Casing gina paabot nga makita ang construction sang mga taytay nga sa plano simulataneous nga itukod.
Gina paabot nga magabalor sang P320 billion ang loan.*