Nagsaka na sa malapit duha ka libo ang active cases sang Covid-19 sa Negros Oriental matapos madugangan snag 235 naman ka bag-o nga kaso kahapon.
Nag saka man sa 296 ang mortalities matapos madugangan sang siyam ka napatay bangud sang Covid-19.
Sa datos sang pang provincial iatf, nagsaka sang 292% ang active cases sang Negros Oriental humalin sang Setyembre 3 tubtob Oktubre 4.
502 lang ang total cases abi sang Setyembre. Pero karon nag dangat na ini sa 1,967.
Samtang, ang Negros Occidental naman ang may 4,694 active cases ina base sa datos sang DOH Region 6. 265 ang dugang nga kaso kahapon sa Negros Occidental.
Ang Bacolod City nga may 134 nga new cases kahapon ang may 2,162 active cases naman.