Shadow

Active cases sang Covid-19 sa bug-os nga Negros Oriental, 6 na lang

BY MARTIAN MUYCO

Nanaog na lang sa anum ang active cases sang COVID-19 sa bug-os nga Negros Oriental matapos maka recover ang apat ka mga nag positibo sa balatian.

Sila ang pareho man tanan nga naka quarantine sa ila tagsa ka mga LGU.

Ang mga aktibo nga kaso sang COVID-19 sa probinsya ang yara sa banwa sang Amlan, Pamplona, La Libertad, kag Bais City.

Ang Dumaguete City nga capital city sang Negros Oriental ang masobra isa ka bulan na nga COVID-19 free.

Suno kay Dr. Liland Estacion, ground commander sang Provincial IATF sang Negros Oriental, ang positivity rate sang probinsya ang yara sa .027 percent.

Ini bangud nga sa 6,925 ka swab test sang mga suspected patient sa probinsya, 187 lang tanan ang nag positibo sa COVID-19.

176 sa sini nga mga kaso ang naka recover na kag lima lang ang nagtaliwan bangud sang balatian.

Ginapasalamatan ni Estacion ang bulig sang tagsa ka mga LGU kag ka mga barangay para mapunggan ang paglapta sang virus.

Pero sa gihapon siya naga paandam sa mga pumuluyo sang probinsya nga indi lang mag kumpyansa kag padayon lang sa pagsunod sa health protocols.

Leave a Reply

Your email address will not be published. Required fields are marked *

Secured By miniOrangeSecured By miniOrange