Suno kay Department of the Interior and Local Government Bacolod head Maredith Joy Madayag may poder ang konseho sang siudad nga magpatuman sang panigbag-o nga 6-month suspension batuk kay Punong Barangay Joseph De los Santos nga wala na nagakinahanglan sang mando gikan sa alkalde.
Suno kay Madayag bangud ginserbe na sang konseho ang suspension kay De los Santos sang Biyernes dapat kilalahon si Acting Punong Barangay Stella De la Peña bilang nagtal-os sa ginsuspend nga barangay opisyal. Kahapon parehos nga nag-report sa barangay si De la Pena kag De los Santos.
Ginsiling ni De los Santos nga magahulat siya sang mando halin kay Mayor Albee Benitez antes magapanaog sa pwesto.
Ikatatlo na ini nga suspension batuk kay De los Santos nga ginpasakaan sang kaso administratibo tungod sang consecutive unauthorized absences sa session sang barangay council.
Ginpahayag man ni De los Santos nga wala na siya sang plano pa nga liwat magpapili sa natalana nga barangay elections.