![](https://i0.wp.com/digicastnegros.com/wp-content/uploads/2022/12/image-166.png?resize=810%2C456&ssl=1)
Pamuno sang Association of Chief Executives in Negros Occidental nga si Victorias City Mayor Javi Benitez handa nga updan si Governor Eugenio Jose Lacson sa paghinun-anun kay Negros Oriental Governor Roel Degamo agud iduso ang Negros Island Region.
Nanugunan si Victorias City Mayor Benitez sa nangin pahayag ni Negros Oriental Governor Degamo batuk sa tuyo nga mabalik ang Negros Island region.
Gani handa man siya nga mag-upod kun imbitaron ni Governor Lacson sa pagkadto sa Negros Oriental para lang ma-istorya si Degamo kag maduso ang tinutuyo sang NIR. Plano ni Lacson nga bisitahon si Degamo sa Enero sa madasun nga tuig.
Ginalauman ni Benitez nga paboran sang executive branch ang revival sang NIR matapos nga gin-approbahan ini sang Senate Committee on Local Government.
Samtang, ang amay ni Benitez nga si Bacolod City Mayor Albee Benitez ang nagduso naman sang pagtukod sang sub-regions kabaylo sang NIR agud matigayon ang pagtukod sang mga regional offices sa probinsya sang Negros Occidental kag Oriental.