P8M pondo gamiton sa pagtukod sang access road sa tunga sang daan nga airport sa Bacolod.
Makit-an na ang mga stockpile nga napahamtang sa sulod sang daan nga airport sang siudad.
Suno kay Engr. Loben Ceballos, kabahin ini sang ila materyales nga gamiton para sa pagtukod sang access road nga maga-angut sa St. Vincent Village sa Barangay Tangub kag Palmas Del Mar subdivision sa Barangay Singcang-Airport.
May P8M ang pondo nga gamiton sang siudad gikan sa P5.5B proposed loan agreement.
Ginsiling man ni Ceballos nga sa ila inisyal nga survey sa lugar, wala sang informal settler families kag structures nga sarang ma-apektuhan sa access road project nga sarang suguran sa madasun nga bulan.
Sa karon ginasuguran naman sang siudad ang paghinun-anun upod sa iban pa nga property owners kasubong sang SM Prime Holdings Incoporated para sa ginaplano nga joint development project sa anay paluparan.