Maga abri galing sa Setyembre 15. Pero Department of Agriculture kag Sugar Regulatory Administration ang naga paabot nga mangin inanay ini.
Sa interview sang media kay SRA Administrator, Pablo Luis Azcona, iya ginsiling nga sa Setyembre 15 maga bukas ang galing.
Pero iya man ginsiling nga kalabanan sa mga sugar mills ang maga bukas Oktubre 1 kag may mga dalagko naman nga farmers nga maga bukas Oktubre 15.
Damlag pa may mga naghinyo gid man nga sa Oktubre 1 na lamang ang pagbukas sang galing.
Naghinyo si Azona sang unified statement para sa amo nga tikang gikan sa Philippine Sugar Millers Association ugaling wala man sang unified stand nga napa gwa bangud may yara man sang gusto nga mas temprano magbukas galing.
Apesar sang El Nino phenomenon nga nag apekto sang pananum, gina lauman ni Azcona nga mangin maayo ukon ma maintain ang production.
Ang presyo sang raw sugar karon ang nagasaka sa.
Estable naman ang presyo sang retail sugar.
Ang 2,800 per bag nga presyo sang raw sugar ang wala sang epekto sa retail price sang kalamay suno sa iya.
Bahin naman sa imported sugar kuntani suno kay Azcona ini ang maga abot antes pa man sang galing.