Aboitiz InfraCapital ang nagpabutyag na sang interes para sa joint venture kaupod ang probinsya kag siudad sang Bacolod para sa bulk water project.
Suno kay Cosette Canilao ang Presidente kag Chief Executive Officer sang kumpanya, 2.8 billion pesos ang ila nga proposal para sa amo nga proyekto nga paga tukuron sa Talisay City.
Sila ang maga sunod sa Public Private Partnership Code sang Bacolod kag Negros Occidental kag kun sila gid man ang ma approbahan kag mahatagan sang award sa bidding nga patigayunon, mga duha ka tuig ang construction.
Ang matabo suno kay Canilao amo mga magakuha sang surface water gikan sa mga suba, sa piping nga patigayunon ini ang iga dala sa mga treatment facility padulong naman sa mga take-off points ukon sa water district.
Suno kay Mayor Albee Benitez and mas maayo nga serbisyo kag mas barato nga bili sang water supply ang kabahin sa discussion.
Suno kay Governor Eugenio Jose Lacson sa karon may pila pa ka mga issue nga dapat ma address.
May iban pa gid nga investor nga interesado man para sa bulk water project. Kun yara ang Bacolod mas attractive pa gid ang proyekto sa mga investor.