Gintinguhaan sang mga nagresponde nga bombero nga indi maulamid sa sunog ang tupad nga bangko kag puluy-an matapos ginlamon sang kalayo ang isa ka abandonado nga balay sa E.J. Blanco Street, Barangay Piapi sa Dumaguete City, mga las 9 sang gab-i, Huwebes, Nobyembre 5.
Apat ka mga fire trucks kag duha ka mga tanker sang Bureau of Fire Protection-Dumaguete, Metro Dumaguete kag Chinese volunteer ang nagresponde sa sunog.
Agud indi maglapta ang kalayo sa kaiping nga building sang isa ka bangko, nagpatigayon sang cooling wall ang mga bombero. Dako man ang bulig sang firewall, suno sa BFP.
Nagdangat sa first alarm ang sunog sa two-storey nga balay, ginapanag-iyahan ni Jaime de Leon.
Wala sang may naga-istar sa balay. May yara ini sang caretaker apang wala man nagatulog ang manugbantay sa nasambit nga balay.
Ginlamon sang kalayo ang second floor sang puluy-an.
Suno sa BFP, ang mga light materials, mga kawayan kag iban pa nga sagbot nga wala malimpyuhan ang nagpabaskog sang kalayo.
Yara sa ginabulobanta P337,500 ang danyos sang sunog.
Under investigation pa ang gintunaan sang kalayo.
[sibwp_form id=1]