Pagasugdan sang Negros Occidental ang pagbakuna sang yara sa A4 category gamit ang AstraZeneca vaccine nga ginbakal mismo sang probinsya.
Suno kay Negros Occidental Governor Eugenio Jose Lacson, mga uniformed personnel lakip na mga essential workers ang pagadapatan sang bakuna.
Sa 2,900 ka dose nga nag-abot sa order sang Negros Occidental, 1,450 ang gamiton sa first dose nga natalana sa July 26 to 30 sa Negros Residences.
Suno kay Lacson, wala pa sang clearance ang Negros Occidental nga mag-idog sa A4 category rason nga ang ginbakal lang nga bakuna sang probinsya amo ang gintalana para sa naka schedule nga A4 vaccinees. Ang mga nag-abot nga supply gikan sa national government ang para sa gihapon sa A1 tubtob A3 categories.
Damlag pa nag set sang target ang DOH nga dapat 90 percent sang yara sa A1 ang nabakunahan na pag-abot sang July 19 kag sa katapusan sang bulan naman dapat 40 percent sang A2 ukon mga senior citizen ang nabakunahan na.