Nadugangan sa walo ka bag-o nga kaso sang fireworks related injuries ang record sang Negros Occidental.
Sa karon nagdangat na ini sa 89 cases.
Nagapabilin naman sa walo ang kaso sa Bacolod.
Parehos nga may 13 ka kaso ang Bago kag Kabankalan City, pinaka mataas nga na record sa mga firework related injuries sa mga banwa kag siudad.
Nagapabilin naman nga walo ang nasamaran bangud sang palupok sa Bacolod City.
63 sa mga kaso sa Negros Occidental mga blast ukon burn injuries nga wala sang amputation.
18 naman sa sining mga kaso ang gintuga sang pagpalupok sang triangulo.
Tuig-tuig ang pahanumdom sang Department of Health nga likawan ang pag gamit sang palupok para mangin luwas sa peligro.