95 percent sa masobra 222,000 nga 0 to 59 months old nga kabataan ang target nga mabakunahan sa supplemental immunization para sa measles rubella.
Ini suno kay OIC provincial health officer, Dr Girlie Pinongan nga sa karon nagsiling nga sila ang padayon nga naga haylo sa mga ginikinan nga pabakunahan ang mga kabataan. Sang 2022, suno kay Pinongan 77 percent lamang sa target ang tigayon nga nalab-ot sang probinsya. Paathag niya, importante ang supplemental vaccination nga gina duso sang DOH ilabi na nga sang tion sang pandemic may mga yadtong na ka miss ukon wala natigayon bakunahan.
Priority LGUs amo ang Binalbagan, Pulupandan, EB Magalona kag Kabankalan City. Ang kasubong nga mga balatian ang gina kabig nga vaccine preventable diseases.
Nalakip man sa ila nga kampanya ang pagsalig sa publiko nga safe ang bakuna kag dapat nga indi sila mag kahangawa. Kun may mga side effects man nga mabatyagan may mga ospital nga sarang gilayon makadtuan para madapatan sang naga kaigo nga medikal nga atensyon.