Ginpatigayon subong nga adlaw ang Send-Off Ceremony kag Blessing sang security forces kag equipment para sa pagsaulog sang Golden Jubilee celebration sang Sinulog Festival sa Kabankalan City.
Ginsiling ni Police Lt. Col. Gary Alan Resuma, bag-o nga hepe sang Kabankalan City Police Station, masobra 900 ka mga security force ang magapasiguro nga safe and secure ang pagsaulog sang festival.
Lakip sa mga ginsend-off kaina amo ang mga kapulisan, soldado, fire personnel, coast guard, iban pa nga augmentation personnel, force multipliers kag mga volunteers.
Prayoridad karon sang Kabankalan PNP ang safety sa tagsa ka mga events kag sang mga bisita, suno say Resuma.
Samtang, wala naman sang ipatuman nga liquor kag gun ban sa sulod sang 10 diyas nga selebrasyon.
Nagbukas subong nga adlaw ang 50th Sinulog Festival sa Kabankalan kag magalawig ini tubtob Enero 18.*