Siyam ka pasahero na-rescue sa baybayon matapos ang masobra sa 20 oras sang nagkulob ang ila bangka.
Tigayon nga na rescue sang Sabado ang siyam ka pasahero sang isa ka bangka gikan Ajuy, Iloilo padulong kuntani sa banwa sang Manapla, matapos nga magkulob sang Biyernes sang aga ang ila sini nga bangka.
Suno kay Ensign Realisa Amper, deputy station commander for administration sang Coast Guard – Negros Occidental, ang bangka nga gina sakyan sang mga pasahero ang nagkulob sa lawod sa tunga sang Ajuy sa Iloilo kag Manapla, bangud sang makusog nga balod.
Sang Sabado na na-report ini sa Coast Guard kag ang mga mananagat amo ang una naka rescue sa ila.
Sila ang na-rescue sa dagat sa bahin na sang Barangay Tomongtong sa EB Magalona.
Ang Disaster Risk Reduction Management Office sang EB Magalona ang nag endorse naman sa ila tagsa ka LGU kun sa diin ang pito ang residente sang Manapla kag ang duha naman ang sa Ajuy.