Isa ka semana matapos maglaslas si Bagyo Tino, siyam ka mga bangkay ang nagkalasapwan sa banwa sang Hinigaran, Negros Occidental.
Base sa records sang Hinigaran PNP, as of November 10, walo sa mga nasapwan ang mga lalaki kag isa ang babaye.
Ang tanan nga walo ka mga kalalakinhan ang identified na, apang ang ulihi nga nasapwan nga babaye ang nagapabilin nga wala pa sang identity.
Nakit-an ang babaye nga nagahabok ang tiyan sa Bagacay River, Purok Serabedes sa Brgy. Aranda, Hinigaran, kagab-i.
Ang bangkay ang nagakaagnas na gani may kabudlayan ang kapulisan sa pagkilala sini.
Nagapati ang kapulisan nga indi taga Hinigaran ang bangkay kag pangayaw ini nga naanod sang flash flood.
Sa karon, ginlubong na ang bangkay sang babaye.*