Wala na matabangan pa kag napatay sa ospital kahapon sang hapon ang 9 ka tuig nga bata nga nadalahig matapos bun-on ang 73 anyos nga si Aurelio Rull nga amo ang naga sapupo sa iya.
Si Rull ang gin sulod kahapon sang kaagahon sa iya sini puluy-an kag gin buno buno kabangdanan sang iya kamatayon.
Naigu man ang menor de edad nga iya tupad sa pag tulog. Gindala ini sa ospital pero gin bawian man sang kabuhi.
Gin pahayag ni Police Captain Elmer Bonilla, hepe sang Police Station 7, nga may yara na sila sang persons of interest nga posible may kahimuan sang krimen.
Isa man ang iligal nga droga sa gina tan-aw karon nila motibo bangud natukiban nga si Rull ang yara man sa drugs watchlist sang Police Station 7.
Padayon ang imbestigasyon sa karon sang PNP.