Pila lamang ini sa mga ID nga ginpeke sang siyam tanan ka mga pangayaw nga kawatan nga nadakpan sang Police Station 1 sang Dominggo.
Suno kay Police Major Ramel Sarona, commander sang Police Station 1, modus sang mga kawatan nga taga Tondo,Manila nga manguha sang cellphone, kwarta kag credit card sang mga bumalakal sa mga mall kag iban pa nga lugar nga masami ginadugok sang tawo.
Nagpamalibad nga mag atubang sa camera ang mga suspek, anum sa ila mga babaye kag duha diri katapo sang LGBTQ.
Suno kay Sarona, may mga kaupdanan pa ang mga suspek nga nakapalagyo sang ginkadtuan sang pulis ang ila ginahukmungan nga hideout.
Gani nagapaandam ang PNP sa publiko batuk sa ila modus ilabi na nga wala pa madakpan ang ginatudlo mastermind nga nagdala sa mga suspek sa Bacolod para mangbiktima sa Masskara Festival.
Duha ka semana nga naglawig sa siudad ang grupo nga posible katapo sang isa ka sindikato suno sa PNP.
Ginabulubanta nga naglab ot na sa minilyon ka pesos ang balor sang ila mga kinawatan halin sa cellphone kag iban nga gadgets nga asta karon gina amat amat pa recover sang kapulisan.
Ang siyam nga una nga nagkaladakpan ang tigayon na nga napasakaan sang kaso nga theft.