Detained karon sa Police Station 1 sa Bacolod ang siyam ka mga pangayaw gikan Manila na gina alegar mga kawatan.
Una nga naaresto kahapon ang 42 anyos nga si Elaine Guarin matapos makita sa akto ang pag usar sini sang credit card sa iya nga gin pickpocket sa isa ka mall sa Bacolod.
Nadakpan man ang walo ka mga upod ni Guarin.
Suno kay Major Ramel Sarona, hepe sang Police Station 1, sang nagligad lang nga semana nag abot ang siyam ka mga suspek kag ila man gin tion sa selebrasyon sa masskara festival.
Modus suno kay Sarona sang mga suspek amo ang pag biktima sang mga mamakal sa supermarkets sa mga malls kag ila ini gina pick pocket.
Ginabulubanta yara sa 150,000 pesos tanan ang nakuha sang mga suspek suno kay Sarona.
Pasakaan sila sang kaso nga theft.