Mga las nuebe y medya kaina sang aga nag kinaran karan ang mga residente sang Barangay 12 sa Bacolod. Sa dalan San Juan, layo pa makita na ang naga pu-og nga aso.
Ang mga residente nga yara sa gutter bitbit ang ila nasalbar nga mga gamit. Napuno sang mga fire trucks ang corner sang dalan San Juan kag Rizal.
Sa kilid sang Police Station 1 gina okupar naman sang mga residente ang higad sang dalan. Ini ang ila temporaryo nga ginbutangan sang pagka butang samtang naga tulok sa nagakasunog nga mga pamalay.
Ang sisentay otso anyos nga si Jimmy Abosejo naka agi stroke gina budlayan sa pag giho. Nakibot na lang siya kuno nga nag puog na ang aso sa ila balay.
Naghingagaw siya gwa haluson lang sang ila nga gamit ang ila napa gwa.
Sot of jimmy abosejo
Ang iya misis dako ang pag pasalamat nga nag abot sang kagab-I gid lang ang ila nga umagad kay kun sila lang nga duha sang iya mister basi na ayawan sila gwa. Ang ahaw ahaw nga bayo nga gina suksok niya amo lang ang nasalbar niya
Dako ang pasalamat nila nga nasalbar nila ang ila kaugalingon kag ang balay nila wala madala sa gintupok sang kalayo.
Ang ini naman nga babaye, ginhingagaw dala pagwa sa ila nga balay ang ila hinuptanan nga ido
Samtang naga kinaran karan ang tanan isa ka soltero ang hinali na lang nag kirig kirig sa dalan
Gin hinagaw siya karga sa ambulansya.. Suno sa mga kaingod balay, epileptic ang bata.
Istorya sang mga residente may mga kabataan nga nag hampang sang kalayo kag nalab-ot sang kalayo ang kurtina
Ang ini nga impormasyon ang gina usisa man sang bureau of fire protection
Samtang gina palong sang mga bombero ang kalayo, tuman naman ang pag puog sang aso sa plaza sang bacolod gani gin sirad-an ang mga dalanon sa palibot sang plaza bangud halos wala na may makita ang mga motorista
Gina bulubanta sang BFPnga mga kinse tanan ka mga balay kag commercial establishments ang nasunog kag yara sa shin mil pesos ang halit sang kalayo sa mga propedad. Gina ihibalo pa sang barangay kun pila tanan ka mga pamilya ang apektado kay ang iban nga mga balay may mga borders.
Si Mayor Evelio Leonardia nga nag padulong sa lugar kag ginmando sa DRRMO kag DSSD nga ihatag ang tanan nga mga kinahanglan sang mga apektado nga mga pamillya.
Samtang masako ang tanan sa pag pakadto pakari, ang ini nga empleyado sang bangko ang nag gwa kag nanagtag sang tubig sa mga bombero kag mga rescuers.