Nadugangan sang siyam ang empleyado sang San Carlos City nga nag positibo sa pag gamit sang iligal nga droga.
Samtang, PNP nagakabig sa siudad bilang drop-off point sang iligal nga droga.
Sa ginpatigayon nga drug testing sa mga empleyado sadtong mga ulihi nga inadlaw sang Disyembre, duha ka regular nga empleyado kag pito ka job order kag casual ang nag positibo sa pag gamit sa iligal nga droga suno kay Mayor Renato Gustilo.
Ang mga regular nga empleyado ipaidalom sa confirmatory test, ang mga JO kag casual naman iga-dismiss sa serbisyo.
Sa karon may mga 27 na ang nag positibo sa drug use sa mga empleyado sang LGU base sa regular nga drug testing nga gina patigayon.
Drop-off point
Samtang, bahin sa drug situation sang siudad, suno kay Gustilo, ang impormasyon sang pulis amo nga ang iligal nga droga gikan sa Cebu ang gina drop off sa siudad kag ginatago.
Gina transport ini balik sa Cebu.
Suno kay Gustilo sila ang naga upod sa pulis sa pagtutok man sa sitwasyon.
“Ang hambal sang kapulisan drop-off point ni ang San Carlos City. May mga supply kuno hambal sang kapulisan nga halin sa Cebu, diri gin-drop, ginatago, ginapahuway. I transport back Cebu. So kun ma apprehend sila ang maguba nga ngalan ang San Carlos gid, kay halin San Carlos ang source”, suno kay Gustilo.