Nag request ang Bacolod Traffic and Transport Management Department (BTTMD) kay Bacolod City Mayor Greg Gasataya, sang dugang nga manpower kag kagamitan agud mas mapabaskog ang ila traffic enforcement sa syudad.
Suno kay BTTMD Officer-in-Charge Atty. Reuben Sabig, nagakinahanglan ang ila talatapan sang mas madamo nga personnel bangud limitado ang ginapatigayon nga operasyon, ilabi na kun weekend.
Sa karon duha lamang ka enforcement teams ang naga duty – isa sa aga kag isa sa hapon apang indi ini nagakaigo bangud may oras lamang ang trabaho sang mga job order workers.
Ini ang rason kun ngaa nagpangayo sila kay Mayor Greg Gasataya sang dugang nga personnel.
Nagapangayo man sila sang dugang nga mga traffic lights kag radio units agud mas mapaayo ang pagdumala sang trapiko kag mas mapabaskog ang koordinasyon sang mga traffic enforcers sa nagkalain-lain nga lugar sang siudad.*
[sibwp_form id=1]