Shadow

88 anyos nga lola sa Silay nag positibo sa cholera, Barangay Guinhalaran ginpaidalom sa cholera outbreak

YouTube player

Isa ka 88 anyos nga lola gikan sa Guinhalaran sa Silay City ang nagpositbo sa cholera. Cholera outbreak sa amo nga barangay gindeklarar sang alkalde.

Suno sa City Health Officer sang Silay, Dr Krisna Sharie Torres-Barnuevo, Setyembre 22 nag taliwan ang lola sa Teresita Lopez Jalandoni Provincial Hospital.

Indi man cholera ang nakabutang nga cause of death sini sa iya nga death certificate pero sa confirmatory test nga ulihi nag abot, positibo ini sa cholera.

Naga isahanon lamang sa iya puluy-an ang lola.

Sa malawig nga tinuig, bag-o naman nga naka record sang cholera case sa Silay suno kay Gallego. Suno sa iya, nagkuha na sang water sample sa Guinhilaran para sa laboratory test nga ipadala sa Manila. Ang City Health Office karon sang Silay ang naga pamuno sang inspection sa mga water sources lakip na mga refilling station.

“Gina monitor namon subong. Gina palibot ang City Health Office. Gina pa aware. Subong ma pa rekorida kami gani nga dapat ang ila nga gina inom tinlo. Tapos ang mga pagkaon dapat mahugas gid sila sang kamot. Kag habunan gid bala. Limpyo nga ginawi”, suno kay Gallego.

May suspected cholera case man sa Brgy Lantad suno kay Gallego pero yara naman sa maayo nga kahimtangan ang pasyente.

Suno kay Dr Ernell Tumimbang ang Provincial Health Officer ang PHO ang maga bulig supervise sa CHO.

“We concentrate our effort kun where may ara positive case, that’s why gin kadtuan gid namon to. To make recommendations kun ano ang dapat obrahon nila. Pagkadto namon didto sa ila amo na guro nag gwa recommendation namon to nga to declare an outbreak.”

Ang ila nga recommendation nagalakip sang checking sang water sources, pagpatuman sang chlorination sa water sources sa nga area nga na identify nga may cholera case. Gina recommend man ang pagpabukal sang tubig ilimnon.

Naga recommend man ang PHO sang pag activate sang Local Drinking Water Quality Monitoring Committee sang siudad.

Secured By miniOrangeSecured By miniOrange