Siudad sang Bacolod nangin host sa ceremonial turnover sang 84 ka Patient Transport Vehicles sang Philippine Charity Sweepstakes Office para sa mga LGUs sa Negros Island Region Kag Region VI Martes sang aga.
Ginpangunahan ni PCSO Chairman retired Judge Felix Reyes ang seremonya kaupod ang lokal nga mga opisyales.
Sa 82 ka bag-o nga units, 45 ang para sa Rehiyon VI, kun sa diin nakabaton ang Aklan, Antique, Capiz, Iloilo kag Guimaras.
37 naman ang para sa Negros Island Region – 22 ka units para sa Negros Oriental, 11 para sa Negros Occidental kag 4 ka units para sa Siquijor.
Suno sa kay Reyes, para sa 2025, may na allocate nga ₱1 bilyon ang PCSO para sa pagbakal sang dugang nga 395 ka PTVs, nga target matapos ang distribusyon kag mangin 100% covered ang tanan nga LGUs antes matapos ang tuig.
Ang kada unit sang PTV kompleto na sa stretcher, oxygen tank, wheelchair, first aid kit, blood pressure monitor kag medicine cabinet para mapabaskog ang emergency response kag serbisyo sa pag-transport sang mga pasyente.*