Shadow

83.63% sang mga registered voters sang Negros Occidental ang nagboto sang sini nga pinili-ay

Sipalay LGU photo

Voter turn-out sa Negros Occidental ang yara sa 83.63 percent.

Suno kay acting Elections Supervisor Roberto Salazar, ini base sa Certificates of Canvass nga na generate sa CCS ukon sa Consolidation and Canvassing System.

May mga 1.6 million ka mga bumuloto ang Negros Occidental wala labot ang Bacolod City.

Naga kasayuran nga mga 1.3 million ang nag boto sa probinsya.

Pero suno kay Salazar hulaton pa nila ang report gikan sa field ukon base sa EDCVL ukon ang Election Day Computerized Voters List agudto mapat-od kun pila gid ang nag boto.

Ginpahayag ni Salazar nga basta national elections mataas gid man ang voter turn-out bangud madamo sang luyag nga maga pakig bahin.

Samtang gina paabot nga tubtob sa Hunyo 8 si Salazar sa probinsya bilang acting elections supervisor.

Pag abot Hunyo 9 sya ang magabalik naman bilang election supervisor sang Aklan Comelec.

Amo man ang matabo sa iban nga election officers – maga balik sa original nila nga mga assignment.

Tubtob sa Hunyo 8 ang election period.

Secured By miniOrange