Nagsaka na sa 81 percent ang drug cleared barangays sa Negros Occidental. Ini sa report nga ginpresent sang Philippine Drug Enforcement Agency sa Provincial Anti Drug Abuse Council nga pagsinapol sang Hwebes.
Nagakasayuran nga sa 601 ka mga barangay sa probinsya, 489 na ang gindeklara nga drug cleared.
Suno kay Governor Eugenio Jose Lacson ang target amo nga ma dekara ang kabug-usan nga barangay.
Sa datus nga gin present ni Intelligence Agent V, Cornelio Espartero Jr ang Provincial Officer sang PDEA, ang probinsya sang Aklan, Guimaras kag Antique ang drug cleared na 100 percent.
99.59 percent ang Iloilo Province kag Capiz, 93.45 percent. Ang Iloilo City 52.78 percent nga drug cleared kag ang Bacolod City ang may pinaka manubo, 34.43 percent drug cleared.
Samtang sa Negros Occidental, may onse ka na ka mga banwa kag siudad sang may yara sang 100 percent drug cleared barangays kag ini ang naga lakip sang Bago City, Candoni, EB Magalona, La Castellana, Manapla, Moises Padilla, Pulupandan, Silay City, Sipalay City, Valladolid kag Victorias City.
Samtang sa Anti illegal Drugs operation nga gin patigayon sang PDEA, as of August 2024 may 153.3 grams sang shabu ang tigayon nga na confiscate.
Sa report naman sang PNP, may 4,068.2 grams sila nga nakuha humalin Enero tubtob Agosto, kag 178.8 grams naman sang marijauna.
Sa pihak nga bahin, sa amo man nga joint PADAC kag Provincial Peace and Order Council meeting ginpresent ang hinyo ni Kabankalan City Mayor Benjie Miranda nga dugang nga police personnel sa siudad.
Ugaling ginpatuhoy ini sang Gobernado NOCPPO Director, Col Rainerio de Chavez para mapat-od kun ano ang rason sa likod sang amo nga request nga ginpadangat sa DILG.
Suno kay Lacson mas maayo kun mapatpat ni Miranda kun ano nag nagtulod sang amo nga hinyo kaangay sang threat, labi na nga ang general sang sitwasyon may kakulang gid man sa PNP personnel.