Sa October 16 to 18 na masaksihan ang abilidad sang mga pickleball players nga maga hampang sa lima ka mga category – ang Beginner, Novice kag Intermediate nga exclusive sa mga taga Bacolod kag Negros Occidental kag ang Open kag 50 plus Executive category nga bukas naman sa tanan nga humalampang gikan sa nagkalain-lain nga mga lugar.
September 20 nag bukas ang registration para sa amo nga tournament kag tatlo ka oras humalin sang nagbukas ini nagtakop gilayon bangud napuno na ang slots.
Suno kay Richard Nagac ang Tournament Manager sang One Pickleball Tournament Organizers ukon OPTO naga pakita ini sang tuman nga pagsanyog sang interes sa pickleball indi lamang sa probinsya kundi sa bilog nga pungsod.
Maga dangat sa P1 million ang kabilugan nga prize money, gina kabig pinaka daku sa bilog nga probinsya kag bisan pa sa bilog nga pungsod.
Suno kay Dexter Telis, co-incorporator sang Paddle City handa na sila sa event lakip na ang seguridad. Ang bilog nga napulo ka courts sang Paddle City nga nahamtang sa Magsaysay Avenue ang paga gamiton sa hinampang.
Ginsiling naman ni Jet Pili nga co-incorporator man sang Paddle City ang pag patigayon sang Benitez Million Pickleball Cup indi lang puro hinampang bangud ini ang isa ka pickleball tournament with a purpose.
Kabahin sa matipon sa hinampang ang iga hatag sa NVC ukon Negrense Volunteers for Change Foundation, Inc.
Dugang pa ni Charles Go nga co-incorporator man napili nila ang NVC para masuportahan ang minggo meals sang foundation nga daku ang bulig sa pag duso sang nutrition.
Ila ginapasalamatan si Third District Rep Javier Miguel Benitez sa higayon nga nahatag paagi sa pagsakdag sang amo nga hinampang.
16 years old ang pinaka huben nga nag register nga pickleball player kag 72 years old naman ang oldest pickleball player.
[sibwp_form id=1]