Masobra sa 800 ang gina paabot nga maga pauli sa probinsya sini nga Domingo.
Suno kay Zeaphard Caelian ang incident commander sang Provincial Incident Management Team magluwas sa masobra 600 ka mga na stranded nga maga pinauli sa Domingo paagi sa ginpasugtan nga mga flights, may masobra sa 200 man nga gina paabot sa puerto.
Suno kay Caelian bangud sang bagyo nag take shelter anay ang barko gani na may delay ang trip kag sa Domingo naman sila maga abot.
Bilang kabahin sa pagpanghanda, ang mga positibo sa COVID-19 sa Silay Healing Center ang iga saylo sa EB Magalona Healing Center agudto maligwa ang lugar sa silay.
Suno kay Caelian ang indi makuha sang mga local government units bangud nga puno na ang quarantine facilitites sini ang igabutang sa Silay kag Cadiz healing centers.
Ginpasugtan ang incoming flights sa Domingo bangud maga sugod na sa Lunes ang temporary suspension sa arrival sang mga LSI sa pila ka mga LGU sa Negros Occidental lakip na Bacolod.
“I-priortize ang Silay and then ang Cadiz. Ang Cadiz may nagsulod man subong iya man sang Cadiz nga LGU. And then ang EB magalona. Ang EB Magalona, isaylo anay ang positive sang Silay pakadto sa EB Magalona,” suno kay Caelian.