80 ka mga street dwellers, nalakip diri mga streetchildren ang na-rescue sumugod ginpabaskog ang Anti-Mendicancy operation sa Bacolod.
Humalin sang nagligad nga tuig nagalab-ot na sa 80 ka mga indibidwal nga naga-puyo sa kilid sang dalan ang na-rescue sang katapo sang Anti-Mendicancy Team sang Bacolod DSSD paagi man sa mapping kag profiling operation.
Naupod sa 45 ka mga pamilya nga naga-puyo sa dalan ang 30 ka mga menor de edad nga kabataan.
Ginpahayag ni DSSD head Richelle Verdeprado-Mangga nga pila sa mga menor de edad ang na-refer na sa mga institution kag ang iban nabalik sa ila mga ginikanan.
Ginpabaskog sang Bacolod—DSSD ang mapping kag profiling sa area malapit sa mga mall kag call center firm.
Ini bangud natalupangdan ang pagdamo sang mga ginakabig street dwellers sa dalan San Juan, Magsaysay, Burgos, Circumferential Road, Rizal kag Lacson Street.