May masobra na sa 271,000 ka mga estudyante sa idalom sang DepEd Negros Occidental Division ang tigayon naka pa enroll as of August 16.
Sa Lunes na maga bukas ang klase.
Nagalaum ang DepEd suno sa PIO sini nga si Ian Arnold Arnaez, nga ini ang magasaka pa, labi na nga sa kinaandan may yara gid sang mga naga pa enroll sa ulihi na nga mga inadlaw.
“Based sa past experiences, during enrollment ga hulat sila sang mga last minute. Indi maibitaran ang late enrollees”, suno kay Arnaez.
Sang school year 2021-2022, 336,970 ang kabilugan nag pa enroll lakip na sa public, private kag integrated schools, humalin pre-school tubtob senior high school.
Sa August 16 nga datus, 271,771 ang naka pa enrol ukon 80.65 percent sa nag pa enroll sang 2021.
Suno kay Arnaez, yara na sa tagsa ka eskwelehan ang pagpatuman sang ila nga transition padulong sa full face to face classes sa Nobyembre.
Ang mga eskwelahan nga damlag pa nakapatuman sang limited face to face classes ang maga expand na.
Ang pagpanghangkat karon amo ang pag paigo sang estudyante sa mga classroom labi na nga may physical distancing nga ipatuman.
Mahimo nga may shifting sang mga klase.
Na release naman ang pondo gikan sa provincial school board para sa repairs sang mga classroom nga naguba sang mag igo ang Bagyo Odette.
May apat naman ka eskwelahan sa Cauayan nga ginhatagan sang pondo sang DepEd para sa ila makeshift kag temporary classrooms.