Ini ang ceremonial nga pagbukas sang Upper East Avenue sa Bacolod City sang Biyernes sang gab-i.
Ginbuksan sa publiko ang walo ka lane nga dalan sa sulod sang the Upper East nga township
project sang Megaworld.
Suno sa kay Jennifer Palmares-Fong, vice president for sales and marketing sang Megaworld Visayas, gina lauman nila nga maka bulig ini pahagan hagan sang trapiko sa Burgos Street.
Kun peak hours, amo sini ang sitwasyon sa Burgos Street, bumper to bumper ang mga salakyan gani sa pagbukas sang Upper East Avenue nga parallel sa Burgos Street.
Bu-ot silingon, kun gikan ka sa Lopez Jaena Street kag pakadto ka sa Government Center sang Bacolod, indi mo na kinahanglan maglabay sa Burgos Street kay pinaagi sa Upper East Avenue, maka pangalihid ka na diri gwa sa Circumferential Road.
May mga secondary roads naman nga gina human sa sulod kag plano man sang Megaworld nga mag butang sang bike lanes diri.
Underground ang tanan nga mga kable sang kuryente, may mga high rise condominium nga gina tukod kag BPO building. Dako ang pagpasalamat ni Bacolod Mayor Evelio Leonardia sa Megaworld sa pagpatukod sang iya ginakabig pinaka matahum nga dalan sa siudad.
Gin anunsyo man sang Megawrold nga gikan sa 35 billion pesos nga investment nila diri, dugangan pa gid ini sang 10 billion pesos kag mangin P45 billion pesos na ang ila nga investment sa Negros.
Magluwas sa mga condominium towers, may mall, park, hotel kag simbahan man nga ipatukod sa sini nga township project.