8 ka mga ginsirad-an nga commercial establishment indi tugutan maka-operate kun wala maka secure sang business permit.
Sa walo ka mga commercial establishment nga napasirad-an sang City Legal Office Enforcement team sa Plaza Mart kag Bargain Square Mall may duha na diri ang nakabayad para sa mga business permit requirements kag nag settle sang multa.
Ginpahayag ni City Legal Officer Atty. Romeo Carlos Ting, Jr., nga kutob sa wala sang rekomendasyon halin sa Business Permits and Licensing Office ang indi makabalik sa pag operate sang negosyo.
Gindugang ni Ting nga ang walo ang kabahin sa masobra 70 tanan ka mga baligyaan sa downtown area nga natalupangdan wala sang permit.
Kalabanan sa ila mga tenant nga iban wala sang record sa BPLO.
Ginahaylo karon sang city legal officer ang mga tag iya sang commercial establishment nga dapat mag submit sang lease of contract sang ila mga tenants agud man masiguro nga naga comply sila sa mga pagsulundan sa idalom sang revised revenue code sang siudad.