Ginkumpirmar ni Bacolod City Mayor Greg Gasataya nga may walo na ka mga ahensya sang gobyerno ang nagpabutyag sang ila interes nga magpatukod sang regional offices sa Barangay Vista Alegre sa Bacolod City.
Lakip diri ang Department of the Interior and Local Government, Department of Environment and Natural Resources, Department of Budget Management, Bureau of Fire Protection kag Police Regional Office Negros Island Region.
Damlag pa, ginpakita na sang siudad ang posible nga lugar para sa PRO-NIR, kag handa ang siudad nga maghatag sang apat ka hektariya nga duta sa Barangay Vista Alegre para sa pagpatukod ang ila nga talatapan.
May mga ahensya na nga nakapirma sang memorandum of undertaking samtang ang iban naman ang nagapadayon pa ang negosasyon sa siudad.
Dugang ni Gasataya, dako ang mabulig sang ini nga mga regional offices agud mapalambo ang ekonomiya sa nasidlangan nga bahin sang Bacolod.*
[sibwp_form id=1]