Humalin sang Sabado nakibot ang pila ka mga punong barangay sa Bacolod sang separado nga may gin deliver nga pagkaon ang food rider sa ila barangay hall.
Suno kay Punong Barangay Lady Gles Gonzales-Pallen sang Barangay Taculing, nagdumdom siya nga may nagpadala sang regalo sa iya kay international number ang gingamit sa pag order sang pagkaon gamit ang iya ngalan.
Parehos kay Pallen, sa barangay hall man ginpadul ong sang prank caller ang pagkaon nga nagabili sa masobra kinyentos pesos kanday Punong Barangay Rosinie Distrito sang Singcang-Airport, Leah Palma sang Punta Taytay, Joselito Abaring sang Bata, Glo Ann Tambasen sang Montevista, Rodney Carmona sang Sum ag kag Ruben James Miranda sang Brgy 35.
Tanan sila naluoy sa rider gani ila na lang ginbayaran ang gin deliver nga pagkaon.
Pero suno kay Pallen ipalab ot nila sa PNP ang natabo agud makilala kun sino ang responsable sa pagpang sasko kag mapasakaan sang kaso.
Nagapangabay naman ang mga punong barangay sa mga service crew sang mga kalan-an nga dapat usisaon man kag i double check anay sa mga opisina sang natungandan kun ngalan sang public officials ang gina gamit.