Shadow

8 ka mga peke nga RT-PCR test result nadiskubrehan sa Kabankalan

Naka quarantine sa karon si Kabankalan City Mayor Pedro Zayco matapos nga magpa swab kaina sang aga.

Suno sa PIO sang siudad nga si Jake Carlyn Tugbang, kaina sang aga nag pa swab ang alkalde matapos nga maka upod sa isa ka pagsinapol ang nurse gikan sa City Health Office nga nagpositibo sa COVID-19.

Suno kay tugbang mga 50 ang nagpaidalom sa swab test.

Wala naman sang may ginabatyag ang alkalde kag ginapaabot ang resulta sang iya nga swab test bwas nga adlaw.

Samtang, may walo ka mga nagbalik sa Kabankalan City nga may yara sang peke nga resulta sa ila nga RT-PCR test.

Suno kay Atty Rayfrando Diaz, daw kasubong sang antigen test ang ginpakita sang mga natungdan. Dugang pa niya, sa ila nga impormasyon may mga nagatanyag sang peke nga RT PCR test result nga tag 900 pesos.

Iga recommend sang Provincial Incident Management Team sa kay Governor Eugenio Jose Lacson ang pagbalik sang damlag pa protocol sang probinsya kun sa diin ginapaidalom sa swab testing ang mga naga abot sa Negros Occidental.

Kuntani nagalaom ang probinsya suno kay diaz nga makita sang national government ang pila ka mga kapaltahan sa pagpatuman sang Resolution 101 ukon ang uniform travel protocol nga naga butang sa alang alang sang sitwasyon sang probinsya karon nga may pagsaka sa kaso sang COVID-19.

Leave a Reply

Your email address will not be published. Required fields are marked *

Secured By miniOrangeSecured By miniOrange