Walo ka mga banwa kag siudad sa Negros Occidental sa karon ang naka lab-ot na ukon nag sobra pa sa 95 percent nga target para sa supplemental measles rubella vaccination.
Sa report sang Provincial Health Office, ang banwa sang Murcia, siudad sang Himamaylan kag Silay ang may pinaka mataas nga accomplishment.
105.63 percent sa target nga mga kabataan nga mabakunahan ang tigayon nila madapatan sang supplemental measles rubella vaccine sa banwa sang Murcia, 105.16 percent naman ang iya sang Himamaylan kag Silay City 101.93 percent.
Sobra man sa 95 percent nga target ang nalab-ot sang Talisay City, Kabankalan City, La Castellana, Candoni kag Moises Padilla.
Gin-extend damlag pa sang Department of Health ang deadline para sa supplemental vaccination activity sa June 15 bangud wala nalab-ot sang Western Visayas ang target sini nga 95 por siento nga mabakunahan.
Ang Negros Occidental sa June 5 nga datus sa kabilugan ang naka lab-ot sang 87.94 percent nga accomplishment.