Gin aresto sang mga katapo sang PDEA Region 6 paagi sa buybust operation ang walo ka mga persona kahapon sa sulod mismo sang Vendors’ Plaza nga nahamtang sa Barangay 12 sa Bacolod.
Sila ang gindakop sa bahin sang Vendor’s Plaza nga ginakabig sang PDEA nga isa ka drug den.
Subject sang buybust si Jovie Bermudes nga gina alegar “maintainer” sang drug den sa vendors plaza.
Gin aresto man sang operatiban ang iya pito pa ka kaupdanan.
Napulo ka gramo sang gina suspetsahan shabu kag mga drug paraphernalia ang na recover sang operatiba sa mga suspetsado.
Detained na karon ang mga suspek kag kaso nga pag supak sa RA 9165 ang ipasaka batuk sa ila.