May masobra sa 2,000 ka mga persona ukon 764 ka pamilya sa Negros Occidental ang apektado sang trough sang Tropical Storm Kristine sa 4pm nga report sang Provincial Disaster Risk Reduction and Management Council.
Yara naman karon sa Blue Alert ang PDRRMC Emergency Operations Center sa Blue Alert Status.
May mga gin evacuate sa siudad sang Bago, Sipalay kag Cadiz City.
Sa amo report sang PDRRMC 64 ka pamilya ukon 1162 ka persona ang naga pabilin sa mga evacuation center.
Pero suno sa pamuno sang DRRM Bago sini lamang nga hapon tigayon na nakapauli ang ila evacuees.
Sa Cadiz City, sa report sang CDRRMO sini wala labot sa rescue operation nga ginpatigayon sang nagligad nga adlaw bangud sang pag baha may mga clearing operation man nga ginpatigayon bangud sang mga nagkalatumba nga kahoy.
Suno kay Irene Bel Plotena ang pamuno sang PDRRMO, may mga LGU nga nag eksperiensya sang power interruption kag ini ang nagalakip sa Don Salvador Benedicto, Sipalay kag La Castellana.
25 naman ka mga banwa kag siudad sang nag suspend sang face to face classes.
Ang Cadiz LGU naman ang nag declare sang work suspension.
Samtang, kahalitan naman sa fisheries ang nagdangat sa masobra 575,000 pesos.
Mabaskog nga hangin suno kay Plotena ang nabatyagan sa northern Negros kag light to moderate rains naman sa pila ka bahin sang southern Negros suno kay Plotena.