762 ka mga hog raiser sa banwa sang San Enrique ang ginapaabot una nga maga baton sang financial assistance gikan sa probinsya bilang bulig sa pagkapatay sang ila nga mga baboy tuga sang masakit.
Suno kay Chiqui Gonzales ang Provincial Social Welfare and Development Officer, 4.5 million pesos ang balor sang ipanagtag nga assistance sa una nga tranche sa idalom sang Assistance to Individuals in Crisis Situation.
2,250 ka mga hog raisers nga apektado ang magabaton sini sa tig 2,000 pesos. Sa karon, gina process na kag kun matigayon ang tanan lakip na ang availability sang special disbursing officers, mahimo nga sa masunod nga semana ma release na ang pondo sa mga benepisyaryo sa banwa sang San Enrique.
“Naga depende abi ang pag process sang documents sa compliance sa LGU naton in which ga follow up man kita. Hopefully today or tomorrow ma submit na nila diri
sa aton and then, for re-audit sang aton accountant. siguro basi possible ma comply gid naton today or tomorrow tinguhaan naton kaluy-an possible next week may ara kita”, suno kay Gonzales.
Samtang sa July 31 nga report sang Provincial Veterinary Office, 198.8 million pesos ang balor sang kahalitan tuga sang hog deaths. Padayon ang pag nubo sang nagaka record hog deaths sa kada adlaw. Onse ang napatay nga baboy sa July 31 nga report.