Barbara Mijares
Nagdangat na sa 73 ang show cause order ang na serbe sang COMELEC-Negros Occidental angut sa pre-mature campaigning.
Sa datus sang COMELEC, as of October 5, may 25 ka bag-o nga show cause order ang nag-abot. Damlag pa na serbe na nila ang 48 ka mga show cause order.
Sa 73 ka show cause order, 40 diri ang ginserbe sa mga kandidato sa EB Magalona, napulo naman ang sa Bacolod, walo sa Himamaylan, anum sa Bago, apat sa Victorias, duha sa Sipalay City, duha man sa Kabankalan City kag isa sa La Carlota City.
Klaro sang COMELEC nga ang 73 naga tumod sa show cause order nga gindagdag.
May mga kandidato nga indi lamang isa ka show cause ang ginbaton, depende sa reklamo nga gin padangat sa Task Force Anti-Epal batuk sa ila.
Damlag pa gin siling na ni Provincial Elections Supervisor, Ian Lee Ananoria nga gina paabot niya ang pagsaka sa kadamuon sang show cause order bangud mahimo nga ang mga ginreklamo maga bantay man kag mag file sang reklamo sa ila nga mga kasumpong.
Ginahatagan naman sang 24 oras ang gindagdagan sang show cause order nga magsabat sang reklamo batuk sa ila.