May 73 ka mga health workers sa probinsya ang nagpositibo sa Covid-19 sa karon. Sa impormasyon sang Provincial Administrator’s Office ang ini nga mga infection ang gikan sa ila nga mga panimalay.
Suno kay Provincial Administrator Rayfrando Diaz, ang mga health workers nga infected ang gikan sa nagkalain lain nga mga ospital sa probinsya.
May yara man sang mga infected gikan sa molecular laboratory sa Teresita Lopez Jalandoni Provincial Hospital sa Silay nga nag apekto man sa kadasigon sang pag release sang mga test results sa amo nga laboratory.
May pinaka madamo nga na-record nga infected health workers yara sa district hospital sa Isabela suno kay Diaz. Pero, suno sa provincial administrator tayuyon ang serbisyo sa sini nga mga ospital.
Samtang, tuga sang pagtimbuok sang Covid 19 cases, puno ang mga healing facilities. 200 ang yara karon sa healing facilty sa Silay, 140 sa Cadiz kag masobra sa 180 sa EB Magalona.
Padayon ang hiring sang probinsya para mapun-an kun may yara sang kakulang sang personnel suno kay Diaz.
95 percent naman karon ang occupancy rate sang Covid hospital sa Cadiz, 89 percent ang sa Valladolid kag 54 percent ang sa Himamaylan.