Wala na makaluwas ang 72 anyos nga lola sang masunog ang ila balay sa Purok Malipayon sa Barangay Bacong siudad sang Bago sang Huwebes sang aga.
May alzheimers ang biktima kag bed-ridden na. Gintinguhaan man siya nga luwason kuntani sang iya 58 anyos nga utod nga naka-wheelchair na ugaling madasig nga naglapta ang kalayo nga nagtupok sa ila balay.
Ginpahayag ni SFO1 Rustan Sayson, fire supervisor sang Ma-ao BFP Fire Sub-station, electrical in nature ang mahimu ginhalinan sang sunog. Nagpalab-ot na sang ayuda ang Bago City LGU sa nalisdan nga pamilya.