Shadow

71 ka football teams nagsambuwa sa Football Festival

Matapos ang halos duha man ka tuig, balik sa football field ang mga players sang 71 ka mga football teams nga nag compete para sa nahauna nga Orich Football Festival sa OISCA Park and Training Center sa Bago City.

Ang mga teams ang gikan sa pila ka mga lugar sa Negros Occidental, probinsya sang Negros Oriental, Iloilo,Antique,Aklan kag Buruanga.

Gani tuman nga kalipay ang nabatyagan,indi lang sang mga players kundi pati man sang managing director sang HB Sports and Events nga si Joseph Gensaya nga makita ilabi ang mga kabataan nga nag-enjoy sa kompetisyon makaligad man sang duha ka tuig nga nadula ang mga kasubong nga hinampang.

Kabahin sa mga category ang mens open, boys 19 and under, womens open, 45 above kag boys 15 and under.

Fully vaccinated ang mga players, napatuman ang health protocol kag aprobado sang local government unit ang duha ka adlaw nga competition.

Secured By miniOrangeSecured By miniOrange